Posted by: reasondeceives on: November 29, 2007
I.
ang himig ng
kanyang pangalan
ay higit sa baybay
ng mga letra
ito ay gayumang
waring nagtatanan
ng isang dalaga
ito ay may haging
ng sinag ng araw
pinakikinang ang
talulot ng pulang
rosas
parang sutla ang
salat ng bawat pantig
tulad ng bahagyang
dampi ng kamay
sa nagtatampong
paslit
II.
ang himig ng
kanyang pangalan
ay mapait na turing
sa nakaraan
dinadala ako nito
sa isang libingang
walang tanda
tila kuwento ng librong
walang pamagat
o banyagang kailan
ma’y di makikilala
parang lana ang
salat [...]
Posted by: reasondeceives on: November 29, 2007
may ibinubulong sa
akin ang alergi tuwing
ako’y nangangati
marahan muna itong
namamaybay sa
aking mga kamay at
mag-iiwan ng baga
sa aking mga palad
dadamhin ko ang
pamamaga na kanyang
ibubukol sa aking mga
mata habang unti-unting
naiipon ang kati sa
aking talampakan
guguhit ang pamumula
sa bawat gurlis na
kanyang pagdidingasin
ngunit kung bakit lalu
siyang humahaplit
tuwing siya’y aking
kakamutin
at mababanaag ko na
lamang ang hagalpos
ng tuksuhan sa loob
ng opisina
naaaliw sila
sa aking hitsura
